Na: Halfan Abdulkadir – Zanzibar
Rais wa Zanzibar na Mwenyekiti wa Baraza la Mapinduzi, Dk Hussein Ali Mwinyi amefanya mabadiliko madogo kwa kuwateuwa viongozi mbalimbali wakiwemo Wakuu wa Mikoa visiwani humo.
Taarifa ya Ikulu ilivyotolewa leo November 16, 2023 imesema Rais Mwinyi amemteua Ayoub Mohamed Mahmoud kuwa Mkuu wa Mkoa wa Kusini Unguja. Kabla ya uteuzi huo alikuwa Mkuu wa Mkoa wa Kaskazini Unguja.
Amemteua Rashid Hadid Rashid kuwa Mkuu wa Mkoa wa Kaskazini Unguja. Kabla ya uteuzi huo alikuwa Mkuu wa Mkoa wa Kusini Unguja.
Pia amemteua Sadifa Juma Khamis kuwa Mkuu wa Wilaya ya Kati Unguja. Kabla ya uteuzi huo alikuwa Mkuu wa Wilaya ya Kaskazini ‘A’ Unguja.
Amemteua, Othman Ali Maulid kuwa Mkuu wa Wilaya ya Kaskazini ‘A’ Unguja. Kabla ya uteuzi huo, Maulid alikuwa Mstaafu wa Utumishi wa Umma.
Amemteua, Galos Nyimbo kuwa Mkuu wa Wilaya ya Kusini Unguja. Nyimbo ni Mwanajeshi Mstaafu.
Taarifa hiyo imesema kuwa wateule wote wataapishwa Septemba 20, 2023 saa 3:00 Asubuhi Ikulu, Zanzibar.
