Kamanda wa Polisi Kanda Maalum ya Dar es Salaam, Jumanne Muriro ametaja maeneo ambayo Mwili wa Hayati Rais Ali Hassan Mwinyi utapita ukiwa uneaelekea uwanja wa Uhuru kwaajili ya kuagwa na viongozi mbalimbali wa serikali, Taasisi, dini pamoja na wananchi.
Ametaja njia hizo ambazo zitatumika zitakuwa mbili njia ya kwanza ni kutoka Mikocheni watapita Shoppers Morocco lakini watakwenda msikitini kwaajili ya Ibada.
“Tukitoka kwenye ibada tutarudi kutoka Morocco kwenda Magomeni tutapita Manyanya, Mkwajuni hadi Kigogo tutapita karibu na Ofisi ya Mkuu wa Mkoa wa Dar es salaam hapo tutakwenda hadi Veta hadi Chuo Kikuu Shirikishi cha Elimu Darr es salaam (DUCE) na kuishia Uwanja wa Uhuru,”amesema Muriro.
Amesema hizo ndio njia watakazatumia hivyo wananchi watakaopenda kuwa barabara kuaga mwili wa Hayati Mwinyi utapita njia hizo.
Ameongeza kuwa polisi na vyombo vingine vya dola wamejipanga kwenye maeneo hayo na utaratibu mzuri utakuwepo pale uwanjani ndani na nje.
