Na:Mwandishi wetu
UONGOZI wa yanga umesema kuwa kikosi chao kimejipanga vyema kuhakikisha wanafanya vyema katika mchezo huo dhidi ya Namungo.
Yanga wanatarajia kushuka dimbani jumamosi dhidi ya Namungo katika mchezo utakaopigwa dimba la Ilulu, Lindi.
Akizungumza jana katika kipindi kimoja cha radio, Afisa habari wa klabu ya Yanga, Hassan Bumbuli amesema kuwa hana shaka na timu pinzani kwani kikosi kimejipanga vyema kuhakikisha wanapata ushindi.
Ameongeza kuwa Namungo ni timu kubwa ambayo huwa inatoka sare dhidi yao lakini wamepanga kuvunja huo mwiko siku ya jumamosi.
“Namungu ni timu bora na ndio maana imekuwa inatoka sare na Yanga lakini sasa tumejipanga kuhakikisha tunavuna point 3 dhidi yao licha ya kutoka sare mara nyingi” alisema.
