Na: Mwandishi wetu,Bukoba
KIKOSI cha Yanga leo wamibuka na ushindi 1-0 dhidi ya Kagera Sugar katika mchezo wa ligi kuu Tanzania bara uliochezwa katika Uwanja wa Kaitaba, Bukoba mkoani Kagera.
katika dakika za 24 kiungo Feisal Salum Abdallah ‘Fei Toto’ ameipa Yanga SC bao ambalo limedumu katika dakika 90 za mchezo.
Fei Toto amefunga bao hilo kwa shuti la mguu wa kushoto akimalizia mpira uliookolewa na kipa Issa Chalamanda kufuatia shuti la awali la mshambuliaji Fiston Mayele.
Mechi nyingine ya Ligi Kuu leo, mabao ya mshambuliaji Vitalis Mayanga dakika ya tatu na 20 yameipa Polisi Tanzania ushindi wa 2-0 dhidi ya KMC Uwanja wa Black Rhino, Karatu mkoani Arusha.
