RAIS wa Jamhuri ya Muungano wa Tanzania Dkt. Samia Suluhu Hassan anatarajiwa kuwa Mgeni rasmi katika Tamasha la Pasaka litakalofanyika April 9 mwaka huu kwenye Viwanja vya Leaders Club Jijini Dar es Salaam.
Akizungumza katika mkuano na waandishi wa habari uliofanyika leo April 1, 2023 Jijini Dar es Salaam, Mkurugenzi Mtendaji wa Kampuni ya Msama Promotion Alex Msama amesema kuwa maandalizi yote ya Tamasha hilo yamekamilika hivyo amewaomba watu wote kujitokeza kwa wingi katika Tamasha hilo.
“Nataka niwaombe wananchi wa Jiji la Dar es Salaam waje kwa wingi kwenye Tamasha hili , tuungane kwa pamoja kumshukuru Mungu”
“Tamasha la Pasaka halijafanyika kwa takribani miaka tisa hivyo tujitokeze kwa wingi, Tamasha la Pasaka halina kiingilio litafanyika Bure katika viwanja vya Leaders Club” amesema Msama.
Aidha amesema kuwa Jeshi la polisi Mkoa wa Kinodoni wamewakikishia usalama wa kutosha kwa kuimarisha doria viwanjani hapo kwaajili ya usalama wa wananchi wote watakaoudhuria kwenye tamasha hilo.
