Rais wa Jamhuri ya Muungano wa Tanzania Samia Suluhu Hassan amekabidhi pesa taslimu kiasi cha shilingi milini 5 kwa wawaklishi wa mashindano ya Kombe la Shirikisho Afrika Yanga SC ikiwa ni ahadi yake ya kutoa zawadi hiyo kwa kila goli watakalofunga katika mashindano hayo.
Pesa hizo zimekabidhiwa leo Februari 28, 2023 na Msemaji Mkuu wa Serikali, Gerson Msigwa kwa niaba ya Rais Samia katika uwanja wa ndege wa Kimataifa wa Mwl. Julius Nyerere Jijini Dar es Salaama ambapo timu ya Yanga ilipokuwa ikiwasili kutola nchini Mali.
Akizungumza alipokuwa akikabidhi pesa hizo, Msigwa amesema kuwa Rais Samia anaamini timu za Tanzania zinazoshiriki mashindano ya Kimataifa zitaendelea kufanya vizuri na kwamba ahadi yake ya kutoa pesa hizo ni endelevu.
Hivi karibuni Rais Samia kupitia kwa Msemaji Mkuu wa Serikali alikabidhi pesa taslimu shilingi milioni 5 kwa wawakilishi wa michuano ya klabu Bingwa Afrika (CAF) timu ya Simba SC baada ya kuichapa timu ya Vipers bao 1-0 Jijini Kampala.
