Timu ya Yanga imeibuka na ushindi wa goli 1-0 kwa kuitandika timu ya Mtibwa Sugar katika mchezo wa Ligi Kuu ya NBC Tanzania Bara Katika mchezo uliopigwa Leo Novemba 13,2022 katika Dimba la CCM Kirumba Jijini Mwanza
Goli pekee la Yanga limepachikwa wavuni na Clement Mzize alipounganisha krosi safi kutoka kwa Feisal Salum na kupachika wavuni kwa kichwa.
Hadi timu hizo zinakwenda mapumziko Yanga ilikuwa ikiongoza kwa goli hilo.
Katika mchezo huo uliokuwa wa kasi kwa timu zote mbili huku Mtibwa Sugar wakionekana kulishambulia lango la Yanga katika vipindi vyote viwili lakini hadi filimbi ya mwisho inapulizwa wameshindwa kuziona nyavu za miamba hiyo ya Jangwani.
