http://DKT. TULIA AWATAKA WANANCHI KUCHAGUA VIONGOZI WENYE UWEZO 
Mjumbe wa Kamati kuu ya Halmashauri kuu ya Chama Cha Mapinduzi (CCM) ambaye pia ni Spika wa Bunge la Jamhuri ya Muungano wa Tanzania na Mbunge wa Mbeya mjini, Mhe. Dkt. Tulia Ackson, amewataka Wananchi kuchagua Viongozi wenye uwezo wa kushughulika na changamoto zao kwa urahisi ili kuweza kuwaletea maendeleo ya haraka katika jamii zao.
Dkt. Tulia ameyasema hayo leo tarehe 26 Novemba, 2024 wakati akihitimisha kampeni za Uchaguzi wa Serikali za Mitaa katika Mkoa wa Songwe zilizofanyika katika uwanja wa Uwanja wa Mwaka, Tunduma ambapo Uchaguzi huo unatarajiwa kufanyika kesho tarehe 27 Novemba, 2024.
Amesemema kuwa, Chama cha Mapinduzi (CCM) ndicho chama pekee kinachojua changamoto zao na kinao uwezo wa kuzitatua kwakuwa kwa dhamana iliyopewa kupitia Serikali ya awamu ya sita inayoongozwa na Rais Mhe. Dkt. Samia Suluhu Hassan imeweza kuzishughulikia hivyo ni vyema kuendelea kukiamini ili kuzimaliza zote.
