MKURUGENZI MANISPAA TABORA ELIAS KAYANDABILA ACHAGULIWA KATIBU WA ALAT MKOA WA TABORA

Na: Mwandishi Wetu, Tabora

MKURUGENZI wa Manispaa ya Tabora Elias Mahwago Kayandabila amechaguliwa kuwa Katibu wa Jumuiya ya Tawala za Mitaa Tanzania (ALAT) Mkoa wa Tabora.

Amechaguliwa katika nafasi ya Katibu wa Jumuiya hiyo kwenye kikao cha ALAT Mkoa wa Tabora kilichofanyika katika ukumbi wa Halmashauri ya Wilaya ya Kaliua.

Aidha wajumbe wa kikao hicho kwa pamoja kabla ya kikao walitembelea miradi mitatu ya maendeleo inayotekelezwa wilayani humo na kuridhishwa na hatua za utekelezaji.

Miradi iliyotembelewa ni ujenzi wa shule mpya ya Mkoa (Tabora Girls Grand School wenye thamani ya Sh.bilioni 3), ujenzi wa zahanati kwa ufadhili wa TFS na ujenzi wa maduka stendi kuu ya
Kaliua.

Pamoja na mambo mengine kikao hicho kimemshukuru Rais Dk.Samia Suluhu Hassan kwa kuleta fedha kwa ajili ya shule ya wasichana mkoani Tabora.