Mjumbe wa Kamati Kuu ya Halmashauri Kuu ya CCM Taifa na Makamu wa Pili wa Rais wa Zanzibar Ndg. Hemed Suleiman Abdulla ameshiriki katika Mapokezi ya Makamu Mwenyekiti wa CCM Zanzibar Dkt. Hussein Ali Mwinyi yaliyoanzia Uwanja wa Ndege Kisauni Zanzibar na kumalizia Viwanja vya Afisi Kuu ya CCM Kisiwandui Zanzibar.
Dkt. Mwinyi ambae pia ni Rais wa Zanzibar na Mwenyekiti wa Baraza la Mapinduzi amepokewa Zanzibar akitokea Dodoma alipochaguliwa na Mkutano Mkuu wa Kumi wa CCM Taifa kushika wadhifa huo.
