Klabu ya wekundu wa msimbazi Simba SC imeibuka na ushindi mnono kwa kuichapa timu ya Geita Gold bao 5-0 mchezo uliopigwa kwenye Dimba la CCM Kirumba Jijini Mwanza.
Karamu hiyo ya magoli ya wababe hao wa Msimbazi yalianza kupatikana katika kipindi cha kwanza cha mchezo huo yakifungwa na nahodha wa timu hiyo John Bocco na Clatus Chama.
Katika kipindi cha pili Simba ilirudi ikiwa inahitaji mabao mengi kwani imekuwa ikishambulia kwa kasi ndipo ikafanikiwa kupata mabao mengine matatu kupitia kwa nyota wao Sakho aliyefunga mawili na goli la mwisho amefunga Kibu Dennis ambaye aliingia kipindi cha pili.
