Na: Mwandishi wetu.
MABINGWA watetezi Simba leo wameendeleza wimbi la ushindi katika mchezo wa Ligi Kuu ya Tanzania Bara baada ya ushindi wa 3-0 dhidi ya Biashara United usiku huu Uwanja wa Benjamin Mkapa Jijini Dar es Salaam.
Mabao ya Simba leo yamefungwa na kiungo wa timu hiyo Pape Sakho katika dakika ya 8 bao la pili limefungwa na Mzamiru Yassin katika dakika ya 13, na katika dakika ya 18 Clatus Chama aliipatia timu yake bao la tatu.
Simba leo imeendeleza wimbi lake la kuondoka na ushindi mnono na kufikisha alama 34 na jumla ya mechi 16 na kikosi kipo katika nafasi ya pili.
