Na: Stella Kessy, DAR
BONDIA wa ngumi za kulipwa Ally Ngwando na James Kibazange kesho wanashuka dimbani kuchuana katika kuwani mkanda wa ubingwa wa PST katika pambano la litakalopigwa kesho kwenye Fainali ya Championi wa Kitaa.
Akizungumza leo wakati mabondia 32 wakipima uzito kuelekea fainali ya Champion kitaa promota wa ngumi za kulipwa Meja Seleman Semunyu amesema kuwa ametoa ofa ya mkanda huo katika pambano hilo ambalo litapigwa kwa raundi nane.
Ameongeza kuwa katika pambano hilo limeonekana kuwa na upinzani mkali kutokana na mitaa wanayotokea mabondia hao ambao walifika katika kupima uzito wakiwa na kundi kubwa la mashabiki wao huku kila upande ukitamba kumchapa mpinzani wake.
Hata hivyo Meja Semunyu amewaomba mashabiki waliojitokeza kwenye uzito leo ikiwa kesho wataweza kuujaza Uwanja wa ndani wa Taifa ya basi atawatangazia zawadi nyengine.
Kwa Upande wa James Kibazange amesema kuwa amejiandaa vyema kwa pambano hilo ambalo yeye analichukulia kama pambano la ushindi.
“Nipo vizuri kuelekea pambano hilo na sintamwacha mpinzani wangu apumue kwani nitaibuka na ushindi wa Tko mapema sana ninaomba wadau na mashabiki wangu kujitokeza kwa wingi kesho katika pambano hilo ambalo nitakuwa la kipekee” amesem
“Sina maneno mengi kikubwa nataka wadau na mashabiki wangu kujitokeza kwa wingi kuja uwanjani kwani ninampa tahadhari kubwa kwa maandalizi niliyojiandaa ninauhakikika pambano hili amalizi yeye na Kocha wao wajindae kwani wasije pata shida kesho” amesema.
