Na: Mwandishi wetu, NAIROBI.
KIKOSI cha Simba Queen leo kitashuka dimbani kuchuana na Lady Doves katika mchezo wa kumtafuta mshindi wa tatu katika Michuano ya Klabu Bingwa Afrika Mashariki na Kati ya Wanawake, CECAFA Samia Cup leo Uwanja wa Moi Kasarani Jijini Nairobi, Kenya.
Mchezo huko utapigwa majira ya mchana huku benchi la ufundi limepanga kupanga kikosi chenye ushindani ili kinyakua nafasi hiyo ya tatu katika michuano hiyo.
Hata hivyo katika mchezo huwa wa leo kikosi cha Simba kitamkosa nahodha wao Violeth Nicholaus ambaye ni majeruhi ambaye aliumia katika mchezo dhidi ya Vihiga Queen.
Mchezo huo dhidi ya Lady Doves utazikutanisha timu hizo kwa mara ya pili baada ya ule wa hatua ya makundi ambao Simba ililazimika kutoka sare ya bila kufungana.
