Mwandishi wetu,Arusha.
MABINGWA wa ligi kuu Tanzania bara leo wametoka sare ya bila kufungana katika mechi ya kirafiki dhidi ya Coastal Union katika mchezo uliochezwa uwanja wa Arusha International school jijini humo.
Mechi hiyo ikiwa ni sehemu ya maandalizi kuelekea msimu mpya wa ligi kuu 2021/2022.
Hata hivyo mchezo wa leo ni wa kwanza kirafiki ikiwa ni siku nne tangu kikosi kilipowasili jijini hapo Kwa kambi ya wiki mbili.
Katika mchezo huo timu zote zilishambuliana kwa zamu na kutengeneza mashambulizi kadhaa lakini idara za ulinzi zilikuwa makini kuondoa hatari.
Pia kiungo wa klabu hiyo Bernard Morrison alionyeswa kadi nyekundu katika dakika 37 baada ya kumlipizia mchezaji wa Coastal kutokana na kifanyiwa madhambi.
Hata hivyo benchi la ufundi chini ya kocha Didier Gomes limelidhika na viwango vya wachezaji.
