Na: Stella Kessy.
TIMU ya Biashara United leo imeibuka na ushindi wa 1-0 dhidi ya wenyeji, FC Dikhil katika mchezo wa kwanza Raundi ya Awali Kombe la Shirikisho Afrika kwenye Uwanja wa El Hadj Hassan Gouled Jijini Ville de Djibouti nchini Djibouti.
Bao pekee la Biashara United katika mchezo huo limefungwa na beki Denis Nkane dakika ya 52 na sasa timu hizo zitarudiana Septemba 18 Dar es Salaam.
Hata hivyo Mshindi wa jumla atakutana na mshindi kati ya Hay Alwady Nyala ya Sudan na Al Ahli Tirpoli ya Libya.
