NJOMBE ,
Mwenyekiti wa chama cha Mapinduzi CCM mkoa wa Njombe Deo Sanga amewataka wana CCM kuendelea kushikamana kuelekea katika uchaguzi mkuu utakaofanyika mwaka huu.
Akiwa katika uzinduzi wa maadhimisho ya sherehe ya kuzaliwa kwa CCM miaka 48 ambao kimkoa umefanyika katika wilaya ya Wanging’ombe.
Aidha Deo Sanga,amesema chama hicho kimeendelea kutekeleza miradi mingi kimaendeleo hususani katika awamu hii inayoongozwa na Rais Suluhu Hassani.
Kwa upande wake katibu wa CCM mkoa wa Njombe Julius Peter,amesema kupitia maadhimisho ya kuzaliwa kwa CCM watakayofanya maeneo mbalimbali watakuwa wanakumbushana kuhusu kushiriki katika uchaguzi mkuu.
Nao baadhi ya wananchama wa CCM wilaya ya Wanging’ombe,wamesema chama chao ni imara na ndio maana kimekuwa na mafanikio makubwa.
Kihusu utekelezaji wa ilani ya chama cha mapinduzi Mkuu wa wilaya ya Wanging’ombe Zakaria Mwansasu amesema serikali ya Dr Samia imefanya mambo makubwa katika sekta mbalimbali wilayani humo ikiwemo Sekta ya afya kwa kujenga hospitali,vituo vya afya na zahanati huku sekta za elimu,utalii na barabara nazo zikifanyiwa uwekezaji mkubwa ili kunufaisha jamii
Chama cha Mapinduzi CCM mkoa wa Njombe januari 28 kimezindua maadhimisho ya sherehe ya kuzaliwa kwa CCM miaka 48 kimkoa, na yatahitimishwa Februari 3 mwaka huu huko wilayani Ludewa.
