Huko Singida, wilaya ya Ikungi, siasa za uadui na chuki zinazoenezwa na Tundu Lissu zimeacha mpasuko mkubwa miongoni mwa wanachama wa Chadema.
Siasa hizi za chuki zinazo anzia ngazi ya taifa, sasa zimefika mpaka kwa wanachama wa ngazi za chini.
Lissu amechochea mgawanyiko kila kona anapopita, na kuacha uhasama mkubwa kutokana na ugomvi wake na Mbowe.
Lissu, ambaye siasa zake zinalenga kulipiza kisasi na kueneza chuki bila kujali maslahi ya Watanzania, amechagua kutumia mgawanyiko kujinufaisha kisiasa.
Huko Ikungi, ameacha machafuko, akiwaacha wana-Chadema katika hali ya kuchanganyikiwa baada ya kuwasha moto wa fitina. Hii ni kawaida kwa upinzani – kueneza chuki na kugawa jamii bila kutoa suluhisho lolote.
Wakati Lissu na wenzake wanazidi kueneza chuki, Rais Samia Suluhu Hassan anaendelea kujenga amani na kuleta maendeleo kwa Watanzania wote. Uongozi wake unalenga kutatua migogoro na kujenga mazungumzo ya kidemokrasia, tofauti kabisa na uharibifu unaosababishwa na siasa za Lissu.
Mbinu hizi za upinzani kuchochea mgawanyiko ni ishara ya wazi kuwa hawako tayari kuongoza jamii pana ya Watanzania. Lengo lao ni kudhoofisha maendeleo ambayo Tanzania imefikia, na Ikungi ni mfano hai wa jinsi siasa zao za chuki na fitina zinavyoweza kuharibu jamii.
Ni wazi kabisa kwamba ajenda ya upinzani sio kujenga bali ni kubomoa. Ni lazima tuungane na viongozi kama Rais Samia ambaye anafanya kazi usiku na mchana kuwaunganisha na kuwawezesha Watanzania wote.
