Na: Stella Kessy, DAR ES SALAAM.
KOCHA msaidizi wa timu ya taifa soka la ufukweni Deo Lucas amewataka watanzania kujitokeza kwa wingi katika mazoezi ya timu ya hiyo ambayo inajiandaa kwa ajili ya michuano ya COSAFA yanayotarajiwa kutimua vumbi Novemba 8 -14 huko Durban Afrika kusini.
Amesema kuwa kikosi kinaendelea kujifua kwa ajili ya kufanya vyema katika michuano hiyo huku lengo la timu ni kufanya vyema na kuitangaza nchi kwa kuibuka na ushindi.
“Kwasasa kikosi kipo katika mazoezi takribani wiki ya pili kikosi kikiwa ba ushindani ambapo wiki iliyoisha tuliandaa mechi ya kirafiki dhidi ya kombaini ya vilabu ya soka ilikuwa ni sehemu ya kucheki kikosi kwa wiki ya kwanza ambayo tumeanza mazoezi “alisema
Aliongeza kuwa kuwanzia kesho wataanza mazoezi kwa siku mara mbili ili kuweka kikosi katika hali ya maandalizi ya kuibuka na ushindi katika michuano hiyo.
Amesema kuwa mpaka sasa kikosi kinaendelea vyema na mazoezi ya kujiandaa kwa ajili ya kupata ushindi katika michuano hiyo ambayo ipo mbele ya kikosi hicho.
