Mwandishi wetu Zanzibar.
SIMBA ni mabingwa wa Kombe la Mapinduzi 2022 wanachukua kombe Uwanja wa Amaan ikiwa ni taji lao la nne.
Dakika 90 zinakamilika kwa ubao kusoma Azam FC 0-1 Simba na mtupiaji ni Meddie Kagere aliyefunga bao hilo kwa mkwaju wa penalti.
Tepsi Evans wa Azam FC amepewa zawadi ya kuwa mchezaji bora muungwana huku Henock Inonga wa Simba akitwaa tuzo ya mchezaji bora wa mchezo.
Hili linakuwa taji la nne kwa Simba huku Azam FC ikiwa imetwaa mataji matano na ni mabingwa wa kihistoria wa Kombe la Mapinduzi.
Klabu ya Simba wamefanikiwa kunyakua taji la Mapinduzi Cup mara baada ha kuwachapa Azam Fc kwenye mchezo ambao uliudhuliwa na Rais wa Zanzibar Mhe.Dkt.Hussein Ali Mwinyi.
Bao pekee la Simba Sc liliwekwa kimyani na Meddie Kagere ambaye alipachika kwa mkwaju wa penati mara baada ya Sakho kuchezewa faulu ndani ya boksi.
Mchezo huo ambao ulikuwa na hisia kwa mashabiki uwanja wa Amani ulijawa na Mashabiki wengi ambao walioshuhudia mtanange huo.
