GEITA
Naibu Waziri Mkuu na Waziri wa Nishati, Mhe. Dkt. Doto Biteko hii leo 13.10.2024 ameshiriki katika hafla ya ufungaji wa Maonesho ya Saba ya Kitaifa ya Teknolojia ya Madini Mkoani Geita ambapo mgeni rasmi alikuwa Rais wa Jamhuri ya Muungano wa Tanzania, Mhe. Dkt. Samia Suluhu Hassan.
Akimkaribisha Rais Mhe. Dkt. Samia kuhutubia wananchi, Dkt. Biteko amempongeza kwa kuendelea kuwezesha, kuikuza na kuimarisha sekta ya madini nchini.
“ Wachimbaji wakubwa na wadogo wamekuwa wanatembea daraja la juu kwa sababu ya fursa ulizotoa kwao. Nataka niwaambie wananchi wa Geita na Watanzania kwa ujumla kuwa Mhe. Rais amekuwa akifanya kila jitihada kwa kuwa anataka mnufaike na raslimali zilizopo nchini.” Amesema Dkt. Biteko.
Share this Article
