DAR ES SALAAM
WANANCHI wametakiwa kuacha mara moja matumizi ya bidhaa bandia na badala yake kuhakikisha kuwa wanatumia bidhaa halisi hali itakayosaidia kuchochea uwekezaji, kukuza fursa za ajira na hatimaye kuchagiza ukuaji wa uchumi wao na Tifa kwa ujumla
Rai hiyo imetolewa na Mkurugenzi Mkuu wa Tume ya Ushindani (FCC) William Erio, wakati akizungumza na waandishi wa habari kwenye mkutano uliofanyika leo Jijini Dar es Salaam, kuelekea kilele cha maadhimisho ya wiki ya kupinga na kudhibiti bidhaa bandia Duniani , ambayo kilele chake kitakuwa kesho Julai 18,2024 Jijini humo.
Amesema kuwa kati ya asilimia 2.5 na 3.5 ya biashara zinayofanyika ulimwenguni zinahusisha bidhaa bandia na kubainisha kuwa baadhi ya madhara ya bidhaa hizo ni pamoja na kutopata thamani halisi ya fedha pamoja na madhara mbalimbali ya kiafya kwa watumiaji
Kadhalika amewataka wafanyabiashara nchini kuacha kuagiza ama kuuza bidhaa bandia kwani kwa kufanya hivyo wanashusha ushindani wa kibiashara sambamba na kupoteza mapato ya serikali hivyo tume imeendelea kutoa elimu kwa umma kuhusiana na madhara hayo
Maadhimisho hayo yamebebwa na Kauli mbiu isemayo “Kudumisha uhalisia kwa kulinda ubunifu kwa maendeleo ya kiuchumi nchini” ambapo yanafanyika katika ukumbi wa Mlimani City Jijini Dar es Salaam.
