Rais wa Jamhuri ya Muungano wa Tanzania Mhe. Samia Suluhu Hassan amesherehekea kumbukumbu ya siku yake ya kuzaliwa leo tarehe 27 Januari, 2023, Kwa kutoa vitu mbalimbali katika vituo Saba (7) vya Watoto Yatima.
Vitu hivyo Saba vimekabidhiwa mapema leo na Naibu Waziri wa Mifugo na Uvuvi Mbunge wa Mkuranga Mhe Abdallah Ulega ambaye alimwakilisha Rais Mhe. Samia Suluhu Hassan ambapo aliweza kukabidhi vitu mbalimbali na fedha taslimu
Tukio hilo limefanyika katika Kituo Cha Children home Msimbazi cha Ilala Jijini Dar es Salaam.
Ulega pia aliweza kukabidhi zawadi hizo kwa Kituo cha Watoto Mburahati.
Katika tukio hilo, pia aliweza kutembelea na kujulia hali watoto hao wanaolelewa katika kituo hicho cha Msimbazi.
Vitu vilivyokabidhiwa ni pamoja na pempasi za watoto, unga, Sabuni, sukari, maziwa, mafuta na vingine vingi.
Aidha, vituo vingine ambavyo vimepelekewa zawadi hizo ni pamoja na Vituo vya Tuangoma, Mbagala, Mbweni, Mwasonga na Sinza
Mwisho.
