Na: Stella Kessy, DAR
UONGOZI wa Yanga unapenda kuwataarifu mashabiki na wanachama wake kuwa Nasreddine Nabi bado ni kocha wa klabu hiyo.
Ikumbukwe kuwa Nabi alijiunga na Yanga April 2021 na amekuwa na rekodi nzuri ya kuiongoza timu na kubeba Ubingwa wa ligi kuu Tanzania kwa msimu uliopita bila kupoteza.
Kwa taarifa iliyotolewa na klabu hiyo Mtendaji Mkuu wa Yanga Andre Mtine amewaomba mashabiki na wanachama wa Yanga kufuatilia taarifa za uhakika za timu yao kupitia vyanzo rasmi vya habari vya klabu.
“Niwaombe mashabiki na wanachama wetu kuwa na utaratibu wa kufuatilia taarifa za klabu yetu kutoka kwenye vyanzo vyetu vya habari,tuna Yanga AAP,Website na kurasa za mitandao ya kijamii ambazo zimekuwa zikitoa taarifa ya klabu kwa wakati sahihi “amesema.
Hata hivyo uongozi wa klabu unamtakiwa kila kheri kocha Nabi na Benchi zima la ufundi katika mchezo wao wa kesho dhidi ya KMC utakaochezwa katika dimba la Benjamin Mkapa.
