• Wakazi wa Mwanza tunamshukuru sana Rais wa Jamhuri ya Muungano wa Tanzania, Mhe. Samia Suluhu Hassan kwa jinsi ambavyo ametoa fedha nyingi kwa ajili ya miradi ya maendeleo na ya kimkakati ambayo inaenda kuinua uchumi wa wakazi wa hapa na watanzania wote kwa ujumla.
• Miradi ya Kimkakati inaenda kuifungua Mwanza kiutalii na ikizingatiwa hivi karibuni Mhe. Rais amezindua filamu ya Royal Tour hivyo tunatarajia kupokea wageni wengi hapa nchini kwa mfano Uwanja wa Ndege, Stendi ya Mabasi ya Nyamhongolo itasaidia kuvutia watalii kutembelea vivutio vyetu.
• Mhe. Makamu wa Rais tunatambua kwamba umekuwa ukituelekeza kuhifadhi na kutunza mazingira , hivyo sisi wakazi wa Mwanza tumeanza upandaji wa miti ili kuwepo hali ya hewa nzuri na mazingira bora ili wageni wanapokuja katika mkoa wetu waone mandhari nzuri.
• Tupelekee salamu zetu kwa Mhe. Rais na tunamuahidi kwamba tutaendelea kushirikiana bega kwa bega kuipeleka Tanzania mbele.
