Katika kuhakikisha jamii ya watu wenye ulemavu inafikiwa na kupatiwa mahitaji yao Mbunge wa Viti Maalum kupitia Chama cha Mapinduzi (CCM) Mkoa wa Iringa Mh. Rita Kabati anatarajia kufanya Kongamano kubwa kwa ajili ya watu wenye ulemavu wa Mkoa wa Iringa lenye lengo la kumpongeza Rais wa Jamhuri ya Muungano wa Tanzania Mh. Samia Suluhu Hassan.
Kongamano hilo linatarajiwa kufanyika Julai 9,2022 siku ya Jumamosi ambapo pamoja na mambo mengine pia linalenga kutoa elimu ya sensa, kutoa elimu ya mikopo ya asilimia 10, elimu ya ukatili wa kijinsia pamoja na ukatili wa Watoto
Kongamano hilo linatarajiwa kufanyika katika ukumbi wa Garden Posta Iringa Mjini ambapo Mgeni rasmi anatarajiwa kuwa Mkuu wa Mkoa wa Iringa Queen Sendiga.
