Home BUSINESS BRELA YAKUTANA NA WAHARIRI WA VYOMBO VYA HABARI KATIKA KIKAO KAZI...

BRELA YAKUTANA NA WAHARIRI WA VYOMBO VYA HABARI KATIKA KIKAO KAZI MOROGORO

May 21, 2022

Afisa Mtendaji Mkuu wa BRELA Godfrey Nyaisa akizungumza alipokuwa akitoa salamu za utangulizi wakati wa kumkaribisha mgeni rasmi katika kikao kazi cha siku mbili na Wahariri wa vyombo vya habari leo Mei 21,2022, Mkoani Morogoro.

Naibu Katibu Mkuu Wizara ya Uwekezaji, Viwanda na Biashara ,Dkt.Hashil Abdallah kizungumza alipokuwa akitoa hotuba ya ufunguzi wa kikao kazi cha siku mbili kati ya wahariri wa vyombo vya habari na BRELA kinahofanyika katika ukumbi wa Hoteli ya Nashera Mkoani Morogoro.

Afisa kutoka Ofisi ya Mkuu wa Mkoa wa Morogoro Sikujua Mfaume akizungumza katika kikao kazi hicho akimuwakilisha Mkuu wa Mkoa huo Martin Shigela.

Mwenyekiti wa Jukwaa la Wahariri Tanzania (TEF) Deodatus balile akitoa neno la shukrani kwa niaba ya wahariri wa vyombo vya habari katika kikao hicho.

Mkuu wa Kitengo cha habari na Elimu kwa Umma (BRELA) Rhoida Andusamile akizungumza alipokuwa akiongoza ratiba ya kikaokazi hicho cha siku mbili kinachofanyika Mkoani Morogoro.

Afisa Mtendaji Mkuu wa BRELA, Godfrey Nyaisa (kushoto) akijandiliana jambo na Mwenyekiti wa Jukwaa la Wahariri Tanzania (TEF) Deodatus balile (katikati) mara baada ya kumalizika kwa hafla ya ufunguzi wa kikao kazi hicho Mkoani Morogoro. (kulia) ni Naibu Katibu Mkuu,Dkt.Hashil Abdallah.

Naibu Katibu Mkuu Wizara ya Uwekezaji Viwanda na Biashara, Dkt.Hashil Abdallah (wa tatu kulia aliyekaa) akiwa katika picha ya pamoja na wahariri wa vyombo vya habari mara baada ya kumalizika kwa hafla ya ufunguzi wa kikao kazi hicho Mkoani Morogoro. (Wa pili kulia) ni Afisa Mtendaji Mkuu wa BRELA Godfrey Nyaisa, na (wa kwanza kulia) ni Mwakilishi wa Mkuu wa Mkoa Sikujua Mfaume. wengine (kushoto waliokaa) ni Mjumbe wa kamati ya Utendaji Jukwaa la wahariri Tanzania (TEF) Angel Akilimali, na (wa pili kushoto) ni Mwenyekiti wa (TEF) Deodatus balile. PICHA NA: HUGHES DUGILO.

Na: Hughes Dugilo, MOROGORO.

Imeelezwa kuwa, wahariri wa vyombo vya habari nchini kwa kupitia vyombo vyao wana nafasi kubwa ya kufanikisha ukuaji wa Sekta ya Biashara nchini kwa kutoa uelewa mpana kwa wananchi kuweza kurasimisha biashara zao.

Akizungumza kwa niaba ya Waziri wa Uwekezaji, Viwanda na Biashara, Dkt. Ashatu Kijaji katika kikao kazi cha siku mbili kati ya wahariri wa vyombo vya habari na BRELA kilichoanza leo Mei 21, 2022 mkoani Morogoro, Naibu Katibu Mkuu wa wizara hiyo, Dkt. Hashil Abdallah amesema kuwa, anaamini kuwa wahariri wakijengewa uwezo juu ya majukumu ya Brela kutasaidia jamii kupata elimu hiyo.

“Kwa muktadha huu niwaombe wahariri tushirikiane kwa pamoja kwenye kufanikisha ukuaji wa sekta ya biashara nchini, hasa wananchi warasimishe biashara zao. Kupitia nyie watakuwa na uelewa wa mambo mengi,”amesema Dkt.Abdalah kwa niaba ya Waziri Dkt.Kijaji.

Na kuoneza kuwa, “BRELA, muelewe kuwa wahariri wana jukumu la kuandika habari kwa usawa, pindi wanapotaka kutoa habari kwenu msiwe wagumu kutoa taarifa, kama majibu ya maswali yao yapo kwa muda huo wapewe ili umma upate taarifa kwa haraka na kama habari wanayohitaji inachukua muda kupata majibu wapewe mrejesho mapema ili waweze kusubiri ili upotoshaji usiwepo,”aliongeza.

Kwa upande wake Afisa Mtendaji Mkuu wa Wakala wa Usajili wa Biashara na Leseni, (BRELA) Godfrey Nyaisa amesema kuwa, usimamiaji wa majukumu ya msingi ya BRELA umewezesha kuwa na mafanikio makubwa yenye uwazi na ukuaji wa uchumi wa Tanzania.

Aidha Nyaisa amesema kuwa, hali hiyo inatokana na uboreshaji wa mazingira ya biashara na urahisishaji wa sajili na leeni zinazotolewa na BRELA hapa nchini.

“Mafanikio haya yametokana na utekelezaji wa mikakati mikuu ya Kitaifa, Sera na Mpango wa Maendeleo ya Taifa,”amesema Bw,Nyaisa.

PICHA MBALIMBALI ZA WAHARIRI KATIKA KIKAO KAZI HICHO.