Mkuu wa Mkoa wa Geita Rosemary Senyamule amewataka waendesha pikipiki Maarufu kama bodaboda kushiriki kikamilifu katika mapambano dhidi ya kupinga na kutokomeza ukatili wa kijinsia katika Mkoa wa Geita.
Ameyasema hayo wakati wa zoezi la kufungua mafunzo ya ukatili wa kijinsia kwa waendesha pikipiki maarufu kama Bodaboda 200 kutoka Geita wanaoshiriki mafunzo juu ya ukatili wa kijinsia yanayoendeshwa na shirika la Plan international kwa wa siku tatu mkoani Geita.
Senyamule amesema shirika la Plan International limefanya jambo zuri kwa kutoa elimu kwa bodaboda juu ya mambo ya ukatili wa kijinsia hasa unyanyasaji wa mtoto.
Waendesha bodaboda ni kundi mhimu sana katika kupinga unyanyasaji wa kijinsia kwani kundi hilo linafanya kazi ambayo inawakutanisha na kila aina ya watu wakiwemo na watoto.
Senyamule amelishukuru shirika la Plan International kwa kutoa elimu hiyo kwa bodaboda ametumia nafasi hiyo kulitaka shirika hilo kupanua wigo wa utoaji wa elimu kwa makundi mbali mbali ya kijamii kwa lengo la kutokomeza unyanyasaji wa kijisia hasa kwa watoto.
Awali Meneja wa shirika la Plan International mkoa wa Geita Adolf Kaindoa wakati akitoa taarifa mbele ya mkuu wa mmoa amesema shirika hilo limeamua kutoa mafunzo kwa bodaboda kutokana na utafiti wao kuonyesha kuwa kuanzia Januari 2021 hadi Machi 2022 kulikuwa na kesi za ukatili wa kijinsia 22 zilizoripotiwa Ofisi ya ustawi wa jamii zikiwahusisha waendesha bodaboda.
Adolf ameongeza kuwa shirika la Plan international mpaka sasa limetoa kadi za bima ya afya zilizo boleshwa kwa watoto 7400 ndani ya mkoa wa Geita.
Aidha Adolf amesema wao kama Plan international wataendelea kutoa mafunzo katika makundi mbalimbali kwa lengo la kutokomoeza ukatili wa kijinsia huku akisema mafunzo wanayotoa kwa bodaboda katika kuendeleza mapambano dhidi ya ukatili wa kijinsia yanafanyika kwa siku tatu.
Ulinzi na usalama ni jumu letu sote hivyo tuungane kwa pamoja kutokomeza ukatili wa kijinsia kwa watoto kwani watoto wa leo ndo taifa la kesho wewe na mimi sema ukatili kwa watoto sasa basi.
