Yaitaka Ubungo kuongeza zaidi walimu wa kuwafundisha Wanafunzi
Yapongeza Maono ya Rais Samia kutoa Fedha za Covid- 19″ Ubungo
DAR ES SALAAM.
Kamati ya Siasa ya Mkoa wa Dar es Salaam imeendelea na ziara yake katika Mkoa huo ambapo leo ilikuwa katika Wilaya ya Ubungo na kuitaka Wilaya hiyo kuboresha Madarasa yaliyojengwa zamani ili yafanane na yale ya Uviko-19 kufuatia utofauti Mkubwa kujitokeza Kati yao ambapo yale ya zamani kuonekana yamechakaa.
Hayo yamesemwa leo tarehe 19 Julai 2022 na Katibu wa CCM Mkoa wa Dar es Salaam Ndg. Adam Ngalawa. Q”Kupitia mapato ya ndani endeleeni kuboresha Madarasa hayo ili nayo yafanane na ya Uviko-19″ . Adam Ngalawa
Aidha Kamati hiyo imewataka Wanafunzi waliochaguliwa kuingia kidato Cha kwanza kusoma kwa bidii kwani Elimu ndio Msingi wa maisha yao na itawafanya kuondoa ZIRO katika mithihani Yao.
Hata hivyo Kamati imempongeza Rais Samia Suluhu Hassan kwa kutoa kiasi Cha Shilingi Bilioni 3 kwa Wilaya ya Ubungo ili kujenga Madarasa, matundu ya vyoo na Zahanati.
Kamati hiyo imetembelea Miradi ya Ujenzi wa Madarasa ya Sekondari, Ujenzi wa Daraja katika stendi ya Mabasi Kituo Cha Magufuli na Ukamilishaji wa Majengo Saba katika hospitali ya Wilaya ya Ubungo.
