NA:STELLA KESSY
Naibu Waziri wa Utamaduni, Sanaa na Michezo Mhe. Pauline Gekul amevitaka vyama vya michezo na shirikisho kujitokeza kwa wingi kuona vipaji katika michuano ya taifa cup inayotarajiwa kuanza Desemba 10 mwaka huu.
Akizungumza leo katika drooo ya michuana hiyo Naibu waziri amesema kuwa katika michuano hiyo vipaji ni vingi kwani wachezaji wengi kutoka katika mikoa taofauti wamethibitisha kushiriki.
Amesema kuwa jumla ya mikoa 16 imethibitisha kushiriki katika michuano hiyo ambayo leo wamepata makundi kwa kila mkoa inajua mpinzani wake.
“Sintapenda kuona vipaji vya michezo vinaishia hapa kwani naomba vyama vya michezo pamoja na shirikisho kujitokeza kwa wingi katika michuano hiyo ili kuendeleza vipaji vya washiriki.
Aliongeza kuwa serikali ga awamu ya sita imelenga kuinua vipaji vya michezo yote hapa nchini kwani Tanzania ni nchi iliyobarikiwa na ina vipaji vingi vya michezo.
Amesema kuwa michezo ni sehemu ya afya na kuwataka mikoa iliyoshiriki katika michuano hiyo inatakiwa kuonyesha ushirikiano katika michuano hiyo.
“Naomba mikoa ambayo imethitibisha kushiriki inatakiwa kuonyesha umoja katika michuano hii kwani taifa linahitaji vipaji vya kutosha lakinj sasa michezo imekuwa mingi hapo awali mchezo ulikuwa moja lakini sasa michezo imekuwa mitatu mpira wa miguu kwa wanaume na wanawake, riadha na mpira wa pete”
