Na: Stella kessy, DAR ES SALAAM.
KAIMU Kocha Mkuu Hitimana Thiery amesema kuwa amefurahishwa na kiwango walichoonyesha kiungo mshambuliaji Ibrahim Ajibu.
Ajibu aliingia kipindi cha pili na kuongeza ufundi katika idara ya ushambuliaji kwa kupiga pasi na kuwafungua Namungo ambao muda mwingi walikuwa wanazuia.
Hitimana amesema Ajibu ni mchezaji mzuri ingawa hajapata nafasi kubwa ya kucheza lakini kuwa bado wana mechi nyingi na mashindano mbalimbali atazidi kuonekana uwanjani.
“Ajibu ni mchezaji mzuri ana kipaji kikubwa tulimuingiza baada ya kuona Namungo wanacheza sana faulo na ajibu ni mzuri kwenye mipira ya adhabu tulijua atatusaidia na kweli ametimiza malengo yetu” amesema.
Katika mchezo wa jana ajibu ndio aliyeanzisha mpira wa adhabu kwa Mohamed Husen ambaye alipiga krosi iliyounganishwa kwa kichwa na Medie Kagere na kutufungia bao la ushindi.
