Na: Stella Kessy.MENEJA wa Taifa Stars, Nadir Haroub ‘Cannavaro’, amesema wachezaji wote wamewasili na wana morali ya ushindi katika mechi ya kesho dhidi ya Benin utaochezwa kwenye dimba la Benjamini Mkapa, jijini Dar es salaam.
Amesema kulingana na wapinzani wao (Benin) kuwa na kikosi imara huku nyota wengi kucheza soka balani Ulaya ana imani mechi itakuwa ya ushindani mkubwa kwa kila upande kutafuta point.
“Sisi na Benin tumepishana magoli lakini pointi zipo sawa katika kundi, ninawaomba watanzania kujitokeza kwa wingi ili kuweza kuongeza sapoti kwa wachezaji pindi kikosi kikiwa uwanjani” amesema.
Aliongeza kuwa wachezaji wana morali ya kutosha kuhakikisha wanashinda mchezo huo, ili kuwapa nguvu yakujiandaa vyema dhidi ya Benin.
“Wachezaji wana hamu kucheza mechi hiyo, ingawa kocha ndiye anajua nani atacheza kutokana na kiwango watakachokionyesha katika mazoezi yao ambayo tumeanza jana”anasema
“Wachezaji wapo vizuri, naamini watafanya vyema ingawa tunaiheshimu Benin ina wachezaji wazuri” ameongeza
