BIASHARA United leo imeibuka na ushindi wa bao 2-0 dhidi ya ya Al Ahly Tripoli ya Libya katika
michuano ya kombe la shirikisho mchezo uliopigwa dimba la mkapa jijini Dar es Salaam.
Mtanange wa aina yake huku kikosi cha biashara kikiwa katika hali ya kutafuta ushindi na kupata bao katika dakika ya 40 Deogratius judica ameipatia timu yake bao ambalo lilidumu Katika kipindi cha kwanza cha mchezo huo.
Katika kipindi cha pili mchezaji Atupele Green aliipatia timu yake bao la pili katika dakika ya 61 bao ambalo lilidumu katika dakika 90.
Kocha Mkuu wa Biashara Patrick Okumu amesema kuwa kikosi chake kipo vizuri ndio maana amefanikiwa kupata matokeo.
Amesema kuwa anawaomba wadau na watanzaia waendelee kuiombea timu yao pia kuwa na imani na kikosi kitaenda kufanya vyema katika mchezo wa marudiano dhidi ya wapinzani wao.
Hata hivyo kikosi cha Azam kesho majira ya saa 9:00 watawaalika Pyramids ya Misri katika uwanja wa Azam Complex, Chamazi.
