MABINGWA watetezi wa Ligi Kuu Tanzania Bara, Simba leo wanaondoka kuelekea Dodoma kwenye mchezo unaofuata dhidi ya Dodoma jiji utakaochezwa katika Uwanja wa Jamhuri, Dodoma.
Kikosi hicho kitakacho ingia uwanjani kikiwa na hasira baada ya kupoteza michezo moja wa ngao ya jamii pamoja na kutoka sare ya bila kufungana na Biashara United.
kwa upande wa kocha msaidizi Seleman Matola, amesema kuwa haikuwa bahati yao kushinda licha ya kupambana kusaka ushindi.
“Haikuwa bahati yetu, wachezaji walipambana kwa namna ambavyo wanaweza lakini tumeshindwa kupata ushindi, matokeo ambayo tunayachukua kuyafanyia kazi mchezo ujao kwani ligi ndio imeanza na huku kila timu inahitaji ushindi,”.
Kikosi cha simba kitakutana na Dodoma jiji ambao wametoka kuwachapa Ruvu shooting bao 1-0 katika Uwanja wa Jamhuri, Dodoma.
