NA: HERI SHAABAN.
AFISA Elimu Mkoa Dar es Salaam Alhaj Abdul Maulid amewataka Walimu Wakuu wa shule za mkoa wa Dar es Salaam kuanzisha vijana wa skauti kila shule .
Afisa Elimu Alhaj Maulid alisema hayo Wilaya ya Ilala Leo katika kikao kazi kwa ajili ya maandalizi ya kupokea wanafunzi wa kidato cha kwanza 2022 kwa kwa Walimu wakuu wa shule za Serikali na binafsi.
“Naagiza kwa Walimu Wakuu wa shule katika mkoa huu kila shule kuanzisha skauti katika shule zenu na kuwajengea ukakamavu vijana ” alisema Alhaj Maulid.
Katika hatua nyingine Afisa Elimu aliwataka Walimu Wakuu wa shule kuimarisha ulinzi SHULENI ikiwemo kujikinga na majanga ya ajali za moto ambazo zinatokea shuleni mara kwa mara.
Aliwapongeza kazi ya Walimu ni wito hivyo wawe na nidhamu na kuheshimu taratibu za kazi wakiwa watumishi.
Aliwataka wakuze taaluma na kuanzisha Michezo katika shule zao kwa ajili ya kuwa anda wanafunzi katika michezo mbalimbali.Afisa Elimu Sekondari Halmashauri ya Dar es Salaam Mussa Ally alisema dhumuni la kikao hicho ni kikao cha kazi kwa ajili ya kuwandaa kuwapokea wanafunzi wa mwaka 2022 ambapo katika Wilaya ya Ilala wamejipanga vizuri na Ofisi ya Mkurugenzi katika kusimamia ipasavyo.
Mwisho
